سياسة الخصوصية

مين إحنا

KYNVO مبادرة تعلم بالأقران في مدارس STEM في مصر: طلاب ومعلمين بيشرحوا لبعض، وكل ساعة تطوع بتتسجل. الموقع بيديره مؤسس المبادرة (المالك) وفريق من الأدمنز والطلاب.

المبادرة مش جهة تجارية، ومفيش أي إعلانات ولا بيع بيانات لأي حد.

البيانات اللي بنجمعها

لما تعمل حساب بنخزن:

• الاسم الكامل والبريد الإلكتروني ورقم الهاتف (الهاتف اختياري).
• النوع والدفعة (للطلاب) أو المدرسة والمادة (للمعلمين ومديري المدارس).
• المواد اللي تقدر تشرحها وسبب الانضمام لو كتبتهم.
• كود العضوية والـ QR اللي بيتولدوا لك تلقائيًا.

وأثناء استخدامك للموقع بنسجل:

• حضورك في السيشنات: وقت الدخول والخروج والصفة (عضو / متطوع / منظم) وبيتحسب منها رصيد التطوع.
• حجوزاتك، مجموعاتك، طلبات التطوع بالشرح، التقييمات اللي بتكتبها، ورسايلك للمالك.
• أي ملفات أو روابط بترفعها لمجموعة.

مش بنخزن عناوين IP مع حسابك، ومفيش كوكيز تتبع إعلاني. إحصاءات الزيارات بتتحسب كأرقام يومية لكل صفحة من غير أي بيانات شخصية.

ليه بنستخدمها

• عشان نسجّل حضورك ونحسب ساعات التطوع ونطلع لك شهادة موثقة بالـ QR.
• عشان نبعت لك كود الدخول على الإيميل، وتذكير قبل السيشن اللي حجزتها، وإشعار لو اتعيّنت في دور.
• عشان مدير مجموعتك يقدر يراجع طلبك ويقيّم مشاركتك، والمالك يقدر يحل أي شكوى.
• عشان مدير مدرستك يشوف أرقام المدرسة بشكل إجمالي (من غير بريد أو هاتف).

مين بيشوف إيه

• الزوار: صفحة ملفك العامة فيها اسمك وكودك وساعات التطوع (لو المالك مفعّل إظهار الساعات) فقط. مفيش بريد ولا هاتف.
• أعضاء المجموعة: اسمك وكودك في دليل المجموعة.
• مديرو المجموعات والأدمنز: بياناتك وحضورك في نطاق شغلهم بس.
• المالك: كل البيانات، لأنه المسؤول عن الحسابات والشكاوى.
• مدير المدرسة: أرقام إجمالية لمدرسته، وأسماء المعلمين المتطوعين وأفضل الطلاب بالكود فقط.

مش بنشارك بياناتك مع أي شركة أو جهة خارجية. الإيميلات بتتبعت من خلال مزود بريد (Gmail) بس عشان توصلك.

حقوقك

• تقدر تعدّل بياناتك من «ملفي»، وتغيّر كود الـ QR بتاعك في أي وقت.
• تقدر تطلب نسخة من بياناتك أو مسح حسابك بالكامل برسالة للمالك من «راسل المالك» أو على الإيميل تحت. بنرد خلال 7 أيام.
• لو عمرك أقل من 18 سنة، ولي أمرك يقدر يطلب نفس الحاجات بالنيابة عنك.

الأمان

كلمات المرور بتتخزن مشفّرة ولا حد يقدر يقراها. الدخول من جهاز جديد بيحتاج كود على الإيميل. الموقع كله على HTTPS، والملفات المرفوعة بتتخزن خارج المجلد العام.

لو لاحظت أي مشكلة أمنية، بلّغنا فورًا على الإيميل تحت.